29 Кулун тутар 29.03
  • -14°
  • $ 92,26
  • 99,71

Саха сирин бырабыыталыстыбатыгар таһаҕаһы тиэйии, БКЭ-ҕэ бэлэмнэнии уонна электроннай өҥөлөр тустарынан дьүүллэстилэр

18:00, 27 марта 2018
Текст:
Читайте нас на
Яндекс Новости
ЯДВ

Кулун тутар 26 күнүгэр Бырабыыталыстыба бэрэссэдээтэлэ Евгений Чекин ыыппыт мунньаҕар таһаҕаһы тиэйии, БКЭ-ҕэ бэлэмнэнии уонна электроннай өҥөлөр тустарынан дьүүллэстилэр.


Вице-премьер Алексей Дьячковскай РФ Үлэҕэ уонна социальнай көмүскэлгэ министиэристибэтин киэҥ ыҥырыылаах коллегиятыгар кыттыбытын эттэ. Кини сүрүн болҕомто демографическай бырагыраамалары толорууга, олох хаачыстыбата тупсуутугар уурулларын бэлиэтээтэ.

“Роструд иһинэн улахан уларыйыылар күүтүллэллэр, өҥөнү оҥорууга электроннай көрүҥ үлэҕэ киириэҕэ “, — диэтэ кини.

“Улахан болҕомто инбэлиит дьон уопсастыбаҕа сылдьыыларыгар ууруллуоҕа. Бары регионнарга доруобуйаларынан хааччахтаах дьоҥҥо аналлаах бырагыраамалар үлэлиэхтэрэ”, — диэтэ Нэһилиэнньэ дьарыктаах буолуутун госкэмитиэтин бэрэссэдээтэлэ Степан Москвитин.

Бастакы вице-премьер Алексей Колодезников Өлүөнэ бассейнын экспертиир сэбиэтин мунньаҕар кыттыбытын кэпсээтэ. Уус-Кут сүөкүүр пууннарын нөҥүө өрөспүүбүлүкэ наадыйыытыгар 466 тыһыынча тонна таһаҕас тиэрдиллэрэ былааннаммыт. Ити иһигэр 268,1 тыһ. тонна ньиэп бородууктата киирсэр.

Бырабыыталыстыба бэрэссэдээтэлин солбуйааччы Михаил Гуляев иһитиннэрбитинэн, РФ бырабыыталыстыбатын вице-премьера Ольга Голодец Биир кэлим судаарыстыбаннай эксээмэҥҥэ анаммыт видеоконференцияны ыыппыт. Михаил Гуляев өрөспүүбүлүкэҕэ БКЭ-ҕэ бэлэмнэнии былаан быһыытынан баран иһэрин эттэ.

СӨ тыатын хаһаайыстыбатын уонна аска-үөлгэ миниистирин бастакы солбуйааччы Татьяна Осипова 83 тыһ. сылгы эбии аһылыкка киирбитин эттэ: “Манан сибээстээн өрөспүүбүлүкэ иһигэр сүөһү аһылыгын тиэйиигэ 40 мөл тахса солкуобай наада”.

Мунньахха туһааннаах министиэристибэ хоту уонна Арктика улуустарыгар ыыппыт хортуоппуйун хаачыстыбатын таарыйдылар. Чуолаан, Булуҥ улууһугар тиийбит хортуоппуй нэдиэлэ иһинэн хараарбыт. Евгений Чекин бу чахчынан силиэстийэ ыыталларыгар соруйда.

Сибээс уонна иһитиннэрэр технологияларга министиэристибэтэ өрөспүүбүлүкэ
Ил Дарханын 1430 №-дээх Ыйааҕын олоххо киллэриигэ “суол каартатын” оҥороро наадалааҕын ыйан туран, биир нэдиэлэ болдьоҕу биэрдэ.

Следите за самым важным и интересным в Telegram-канале и WhatsApp-группе ЯСИА