28 Кулун тутар 28.03
  • -12°
  • $ 92,59
  • 100,27

Саха сирин Бырабыыталыстыбата “Селигдары” кытта сөбүлэһиигэ илии баттаста

11:05, 11 сентября 2018
Текст:
Читайте нас на
Яндекс Новости
ЯДВ

Илиҥҥи экономическай форум дьыалабыай бырагырааматын кэмигэр Саха сирин бырабыыталыстыбата “Селигдар” көмүһү хостуур хампаанньаны кытта бииргэ үлэлээһиҥҥэ сөбүлэһии түһэристэ.

Докумуоҥҥа Саха сирин Ил Дарханын э.т. Айсен Николаев уонна “Селигдар” ПАУо генеральнай дириэктэрэ Сергей Татаринов илии баттаатылар.

“Хайа рудатын салаатын өрөспүүбүлүкэ сиригэр-уотугар ситиһиилээхтик сайыннарыы региоммут көдьүүстээх социальнай-экономическай сайдыытын тирэҕэ буолар. “Золото Селигдара” ААУо Алдан оройуонугар кыһыл көмүһү хостуурун түмүгэр өрөспүүбүлүкэ бүддьүөтүгэр үп киирэр, социальнай-экономическай бырагыраамалар олоххо киирэллэр”, — диэн регион баһылыга Айсен Николаев бэлиэтээтэ.

Санатан эттэххэ, “Селигдар” ПАУо Арассыыйа кыһыл көмүһү хостуур  ТОП-11 хампаанньатын иһигэр киирэр. Бүгүн “Селигдар” холдинг бэйэтин үлэтин Арассыыйа сэттэ регионун сиригэр-уотугар ыытар, ол иһигэр “Золото Селигдара” ААуо Алдан оройуонугар үлэлиир.

Следите за самым важным и интересным в Telegram-канале и WhatsApp-группе ЯСИА