“Биир ньыгыл Арассыыйа” баартыйа регионнааҕы салаатын бэс ыйын 20 күнүгэр ыытыллар партийнай конференциятын кэнниттэн күһүҥҥү быыбарга кыттар хандьыдааттар испииһэктэрин ааттыахтара.
“Праймериз кыайыылаахтарын туруоруохпут”, — диэн СИА-ҕа исполком салайааччыта Дмитрий Никифоров иһитиннэрдэ.
Өскөтүн ким эмэ быыбарга кыттартан аккаастыыр түгэнигэр уларыйыылар киириэхтэрин сөп. Маннык түгэҥҥэ иккис миэстэни ылбыт киһи киирэн биэриэҕэ. Бу биир мандааттаахтарга уонна баартыйа испииһэгинэн барааччыларга сыһыаннаах.
Руслан Басыгысов.
