Гидрометеосулууспа Саха сиринээҕи салаатын чахчытынан, чугастааҕы кэмҥэ Нерюнгрига, Алдан илин өттүгэр, Уус Маайа, Амма, Томпо уонна Чурапчы оройуоннарыгар хаар түһэрэ күүтүллэр, сорох сирдэринэн хойуутук түһүөҕэ.
Арассыыйа Ыксаллаах быһыыга-майгыга министерствота Саха сиринээҕи управлениета итинэн сибээстээн бу ыйыллыбыт оройуоннарга сэрэхтээх буолуу быраабылатын тутуһалларыгар сүбэлиир. Суолга суоппардар сэрэхтээхтик айанныыллара, саппаас уматыктаах, халыҥ таҥастаах, эмтээх, аһылыктаах, төлөпүөнү иитэр тэриллээх, фонариктаах буолаллара ирдэнэр.
Ыксаллаах балаһыанньа үөскээтэҕинэ, маннык нүөмэрдэринэн эрийиҥ: (4112) 42-40-32, 112, (4112) 39-99-99.
