Саха Өрөспүүбүлүкэтигэр кылаабынай санитарнай судаарыстыбаннай быраас Маргарита Игнатьева тумууну уонна ОРВИ-ны утары дьаһаллары күүһүрдэрдэргэ уурааҕа таҕыста.
Уураах этиилэрэ кэккэ министиэристибэлэргэ, биэдэмэстибэлэргэ уо.д.а. ананар. Саха Өрөспүүбүлүкэтин муниципальнай тэриллиилэригэр эмиэ туспа түһүмэх ананна.
Тумууну нэһилиэнньэ ортотугар тарҕаппат сыалтан маннык сорудахтар бэрилиннилэр:
— Эмтиир тэрилтэлэр ыарыы өрө турар кэмигэр төһө бэлэмнэрин, ыарыыны утары охсуһар препараттарынан, тырааныспарынан төһө хааччыллыылаахтарын, нэһилиэнньэҕэ бастакы көмөнү оҥорорго эмчиттэр төһө бэлэмнэрин көрөргө. Наада буоллаҕына, сэрэтэр дьаһалларга көннөрүүлэри киллэрэргэ;
— Үөрэҕирии, социальнай, медицинэ тэрилтэлэригэр, олорор уонна социальнай дьиэлэргэ кыһыҥҥы кэмҥэ сөптөөх режими тутарга төһө бэлэмнэрин бэрэбиэркэлииргэ.
— Тумууну уонна ОРВИ-ны сэрэтии дьаһалларын туһунан нэһилиэнньэҕэ иһитиннэрэр тиһиктээх үлэни 2016 сыл атырдьах ыйыттан саҕалыырга;
— Ыарыыны сэрэтэр быһыыны (вакцинаны) күһүҥҥү кэмҥэ биэриигэ доруобуйа харыстабылын уорганнарыгар уонна тэрилтэлэригэр көмөлөһөргө;
— Дьаҥ-дьаһах өрө турар кэмигэр үөскүүр балаһыанньаны учуоттаан, хааччахтыыр дьаһаллары кэмигэр ыытарга.
Ыспыраапка:
Саха Өрөспүүбүлүкэтигэр тумууну утары дьаһаллары ыытарга 30 мөлүйүөнтэн тахса солкуобай суумалаах үп бэриллибитэ.
2015-2016 сс. 343 тыһыынчаттан тахса киһи (нэһилиэнньэ ахсаанын 36 бырыһыана) быһыы ылла.
