Дьааңы Адыаччытыгар төрөөбүт 2900 гр ыйааһыннаах, 49 см. үрдүктээх уол Саха сиригэр 9000-н күн сирин көрбүт оҕонон билиннэ. Биир дойдулаахтара үөрүүлээх түгэнинэн эҕэрдэлээтилэр.
Саха сиригэр 9000-н төрөөбүт Адыаччы оҕотун СӨ социальнай бэлиитикэҕэ министиэристибэтин, улуустааҕы управление салалталарын ааттарыттан эҕэрдэлээтилэр. Оҕоҕо харысхал бэлиэтин туттардылар. Оройуоннааҕы балыыһа саңа төрөөбүт кырачааҥҥа анаммыт кэмпилиэгин уонна улуус дьаһалтата 9000 солк биэрэр туһунан туоһу суругун саҥа күн сирин көрбүт киһи аҕатыгар Евгений Слепцовка улуус баһылыгын солбуйааччы М.И. Осипов туттарда.
Эр киһи хас баҕарар сааһыгар аҕа буолар кыахтааҕын 63 саастаах Адыаччы олохтооҕо Евгений Михайлович чахчы бигэргэттэ. «Оҕолонуу төрүт олохтоох омугу элбэтии«, — диир кини. Сырдык санаалаах аҕа уолугар анаммыт бэлэхтэри тутан махтанна.
Ааптар: Раиса Чирикова, Дьааҥы улууһа
