29 Кулун тутар 29.03
  • -11°
  • $ 92,26
  • 99,71

Саха сиригэр түөрт сылга 245 оскуола спортивнай тэрилинэн уонна инвентарынан хааччылынна

Читайте нас на
Яндекс Новости
ЯДВ

Саха сиригэр 2015 — 2019 сылларга 245 оскуола спортивнай тэрилинэн уонна инвентарынан хааччылынна. Физкультуранан уонна спордунан дьарыктаныыга анаммыт дьаһал «Үөрэҕирии сайдыыта» федеральнайдааҕы бырагыраама, «Үөрэҕирии» национальнай бырайыак чэрчилэринэн ылылынна, диэн СИА-ҕа регион үөрэххэ уонна наукаҕа министиэристибэтин пресс-сулууспата иһитиннэрдэ. 


Өрөспүүбүлүкэ үөрэххэ уонна наукаҕа министиэристибэтэ 2015 сылтан тыа сирин үөрэҕин тэрилтэлэригэр физкультуранан уонна спордунан дьарыктаныыга федеральнайдааҕы бюджеттан субсидия көрүүгэ ыытар куонкурустарга кыттар. «Үөрэҕирии сайдыыта» судаарыстыбаннай бырагыраамаҕа сыллата үлэлэһэр.

2019 сылтан «Үөрэҕирии» национальнай бырайыак чэрчитинэн «Оҕо ситиһиитэ» регионнааҕы бырайыагы олоххо киллэрэр сыалтан спортивнай саалалары өрөмүөннээһин, физкультуранан уонна спордунан дьарыктаныыга аудиториялары уларытан тутуу, оскуолаларга спортивнай кулууптары сайыннарыы, маны сэргэ спортивнай тэриллэринэн уонна инвентардарынан хааччыйыы ыытыллар.

2015 — 2019 сылларга Саха сирин 461 оскуолатыттан анал бырагыраамаларынан 245-һэ спортивнай тэриллэринэн уонна инвентардарынан хааччылынна. Бу уопсай көрдөрүүттэн 53,1% ылар.

Следите за самым важным и интересным в Telegram-канале и WhatsApp-группе ЯСИА