Саха сиригэр сылгы собуотун үлэһиттэригэр 5,5 мөл солкуобай төлүүр иэстээхтэр

Саха сиригэр сылгы собуотун үлэһиттэрин хамнастарын төлөөбөтөхтөрүн туһунан холуобунай дьыала көбүтүлүннэ, диэн СИА-ҕа өрөспүүбүлүкэ борокуратууратын пресс-сулууспата иһитиннэрдэ.

Степан Васильев аатынан сылгы собуотун үлэһиттэрэ 2016 сыл ахсынньы ыйтан 2018 сыл от ыйыгар диэри хамнастарын ылбатахтар. Силиэстийэ чахчытынан, бу ыйыллыбыт болдьоххо генеральнай дириэктэр пуоһугар үс салайааччы уларыйбыт, оттон төлөммөтөх харчы суумата 5 мөлүйүөн 500 тыһыынча солкуобайтан тахсыбыт.

Бэрэбиэркэ саҕаламмыт кэмигэр тэрилтэ салалтата хамнас иэһин төлөөһүҥҥэ миэрэлэри ылбыт.

Силиэстийэ салҕанар.

This post was published on 25.09.2018 15:24 15:24