«Мин дьиэ кэргэним — мин өрөспүүбүлүкэм» куонкурус түмүктэннэ. Тэрээһин «Сыл дьиэ кэргэнэ 2020» бэстибээл чэрчитинэн ыытыллар. Бүтүн Россиятааҕы куонкурус иитинэн оҥоһуллар. Саха сиригэр биэс номинациянан бастыҥнар биллэрилиннилэр: «Дьиэ кэргэн – үгэһи харыстааччы», «Тыа сирин ыала», «Элбэх оҕолоох ыал», «Эдэр ыал» уонна  «Көс ыал». Тэрийээччинэн үлэ министиэристибэтэ буолар.


Быйылгы куонкурус пандемиянан хааччахтааһыннар кэмнэригэр ыытылынна, онон ыраахтан олорон, кэтэхтэн киэбинэн барда.

Хамыыһыйа дьиэ кэргэттэр портфолиоларын, визитнай карточкаларын, улуустарын уонна өрөспүүбүлүкэ уопсастыбаннай олоҕор кыттыыларын сыаналаата.

Кыайыылаах дьиэ кэргэттэр кэлэр сылга «Сыл дьиэ кэргэнэ» Бүтүн Россиятааҕы куонкурус номинаннарынан буолуохтара. Ол түмүгүнэн «Семья года» диэн ааттаах Бочуот кинигэтэ таһаарыллар.

КЫАЙЫЫЛААХТАР:

«Көс ыал» — Анна уонна Анатолий Поповтар, Анаабыр улууһа.

«Элбэх оҕолоох ыал» — Дина, Сергей Егоровтар, Ньурба улууһа

«Тыа сирин ыала» —  Сахая уонна Виталий Илюхиннар, Горнай улууһа

«Дьиэ кэргэн — үгэһи харыстааччы» — Акулина, Иван Ануфриевтар,  Чурапчы улууһа

«Эдэр ыал» — Ирина уонна Валентин Гороховтар, Томпо улууһа

«Көс ыал», иккис миэстэ — Ирина уонна Семен Винокуровтар, Өймөкөөн улууһа

«Тыа сирин ыала» — Анастасия, Иван Шеломовтар, Чурапчы улууһа

«Элбэх оҕолоох дьиэ кэргэн», 2 миэстэ — Февронья, Семен Андреевтар, Чурапчы улууһа

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.