29 Кулун тутар 29.03
  • -13°
  • $ 92,26
  • 99,71

Саха сиригэр «СтопКоронавирусЯкутия» саайт үлэтин саҕалаата

Читайте нас на
Яндекс Новости
ЯДВ

СтопКоронавирусЯкутия регионнааҕы саайт үлэтин саҕалаата. Бу туһунан инновация миниистирэ Анатолий Семенов эттэ. Саҥа былаһааккаҕа өрөспүүбүлүкэҕэ коронавирус тиэмэтигэр көдьүүстээх иһитиннэриилэр киллэриллибиттэр.


Саҥа арыллыбыт https://stopcovid19.sakha.gov.ru/ саайтка коронавируск тиэмэтигэр сонуннар тахсаллар. Ыарыы тарҕаныытын көрдөрөр каарта баар. Манна ыарыһахтары ханнык дьиэттэн илдьэ барбыттара ойууланар. Итиэннэ халлаан күөх өҥүнэн икки нэдиэлэлээх «самоизоляцияҕа» сытар дьон аадырыстара ыйыллар.



«Дьиҥнээх уонна суһал иһитиннэрии биир сиргэ баар буолара бүгүҥҥү күн ирдэбилэ. Хас биирдии киһи туһанарыгар аналлаах саайты ИТ-паарка резиденэ оҥордо. «Самоизоляция» эрэһиимигэр сыһыаннаах элбэх ыйытыыларга эппиэт баар. «Антифейк» диэн сымыйа сурахтар тарҕаныыларын бохсор түһүмэхтээх. Онно ханнык баҕарар сонуну киирэн бэрэбиэркэлиэххитин сөп. Холобур, батсаап сонунун туттаххытына, тута саайт администраторыгар ыытан«, – диэтэ Анатолий Семенов.

«OneClickYakutia» чат-бот нөҥүө пандемияҕа сыһыаннаах ыйытыыларгытын биэриэххитин, волонтеры ыҥырыаххытын эбэтэр 112 нүөмэргэ эрийиэххитин сөп.

Күннээҕи олоххо-дьаһахха туттуллар өҥөнү оҥорооччулар төлөпүөннэрин нүөмэрдэрэ бааллар. Улуустар контактара эмиэ. Онон, дистанционнай сакааһы оҥорууга саайт эмиэ олус туһалаах информациянан толору.

Сиһилии бэйэҕит киирэн көрүөххүиүн сөп: https://stopcovid19.sakha.gov.ru/

Следите за самым важным и интересным в Telegram-канале и WhatsApp-группе ЯСИА