Амма улууһун «Кэскил» хаһаайыстыбатыгар Смоленскай уобаластан 100 төбө симментальскай боруодалаах ынаҕы аҕаллылар. Бу туһунан улуус дьаһалтатын пресс-сулууспата иһитиннэрэр.
Амма улууһун атын түөрт хаһаайыстыбатыгар инники Алтайскай кыраайтан 340 төбө ынах аҕалыллыбыта.
«Маннык уопут бүтэһик сылларга тыа хаһаайыстыбатын бородууктатын оҥорон таһаарыыга үчүгэй өттүттэн дьайбыта бэлиэтэнэр. Амма улууһун тыатын хаһаайыстыбатын тэрилтэлэрэ 1989 сыллаахха атын боруодаларынан саҥардыллыбыттара. Ол кэннэ бу дьаһал саҥа тыын ылла», — диэн этиллэр, НВК «Саха» суруйар.
