Чугастааҕы кэмҥэ Саха сиригэр оскуола саҥа оптуобустара уонна суһал көмө массыыналара кэлиэхтэрэ. Туһааннаах дьаһалга балаҕан ыйын 5 күнүгэр премьер-миниистир Дмитрий Медведев илии баттаата.
Саха сиригэр 42 оптуобуһу уонна суһал көмө 9 массыынатын ыытыахтара.
Тиэхиньикэ барыта хоту дойдуга аналлаах. 42 оптуобустан 24-дэ 10-12 киһи, үһэ – 13-20 киһи уонна 15 оптуобус 21-24 киһи олороругар аналлаах. Суһал көмө массыыналара вагоннай уонна полукапотнай компоновкалаахтар.
Массыыналары уонна оптуобустары субъектарга Арассыыйа Бырамыысыланнай эргиэн министиэристибэтэ хааччыйыаҕа. Тарҕанар тиэхиньикэлэр Арассыыйаҕа Ульяновскайдааҕы массыына собуотугар, Павловскайдааҕы оптуобус собуотугар, “Форд Соллерс Холдинг” ХЭТ, КАВЗ уонна “ВОЛГАБАС” оҥоһуллубуттар.
Уопсайа регионнарга суһал көмө 895 массыынатын уонна оскуола 1327 оптуобуһун биэриэхтэрэ.
