Нууччалыы тылынан суруйар, Дьокуускайга олорор поэттар сэтинньи 15-17 күннэригэр Нуучча поэзиятын күнүгэр мусталлар.
Суруйааччылар сойуустарыгар, «Писатели Якутии» ассоциацияҕа Дьокуускайдааҕы епархияҕа көрсүһүүлэр тэриллиэхтэрэ.
Бу тэрээһиннэргэ Москваттан поэт, прозаик, драматург Владимир Федоров анаан кэлэр. Кини 65 сааһыгар сыһыары тутуллан тахсыбыт биэс кинигэтин сүрэхтиэ.
Олохтон туораабыт поэт Владимир Фролов сырдык аатын өйдөөн-санаан ааһыахтара.
Сергей Москвитин (Мииринэй), Ольга Пашкевич (Дьокуускай), Елена Овчарова (Томмот, Алдан), Елена Парыгина (Ленскэй), Ольга Никулина (Нерюнгри), Любовь Винс (Мииринэй), Андрей Шушминцев (Мииринэй), Кирилл Долинскай (Дьокуускай), Елена Клюева (Дьокуускай) тэрээһиҥҥэ кытталлар.
Нуучча поэзиятын күнүгэр автограбы биэрии тэриллиэ. Саха сирин нуучча суруйааччыларын Юрий Шамшурины, Сергей Шевкову, Юрий Черткову ахтан-санаан ааһыахтар.
