Ыам ыйынааҕы бырааһынньыктар иннилэринэ Саха сирин олохтоохторо муус устар 27 күнүгэр – Өрөспүүбүлүкэ күнүгэр сынньаныахтара.
Саха сирин Бырабыыталыстыбатын уурааҕынан муус устар 27 күнэ регион судаарыстыбаннай былааһын уорганнарын, Медицинскэй страховкалааһын сирдээҕи-уоттааҕы фондатын уонна өрөспүүбүлүкэ судаарыстыбаннай тэрилтэлэрин үлэһиттэригэр өрөспүүбүлүкэтээҕи бырааһынньыгынан өрөбүл күнүнэн биллэрилиннэ. Атын үлэни биэрээччилэргэ бу уураах сүбэлиир быһыылаах, диэн этиллэр Саха сирин Үлэҕэ министиэристибэтин дьиҥ таһымнаах сайтыгар.
РФ Бырабыыталыстыбатын уурааҕар сөп түбэһиннэрэн, өрөбүл күн тохсунньу 7 күнүнээҕи субуотаттан ыам ыйын 8 күнүгэр көһөрүллүбүтэ. 2017 сылга ыам ыйын 1 уонна ыам ыйын 9 күнүнээҕи бырааһынньык күннэр өрөбүл күҥҥэ түбэспэттэр, онон көһөрүллүбэттэр.
Онон Саха сирин олохтоохторо муус устарга уонна ыам ыйыгар маннык күннэргэ өрүөхтэрэ:
Муус устар 27 күнэ – Саха Өрөспүүбүлүкэтин күнэ
Муус устар 29 күнүттэн ыам ыйын 1 күнүгэр диэри – Сандал саас уонна үлэ бырааһынньыга (3 күн)
Ыам ыйын 6 күнүттэн ыам ыйын 9 күнүгэр диэри — Улуу Кыайыы күнэ (4 күн).
