Сотору кэминэн «Кангаласс» урутаан сайдыы сиригэр купол бүрүһүөннээх дьиэ баар буолуоҕа. Бу туһунан НВК «Саха» иһитиннэрэр.


«Бу бырайыак сыл саҕаланыыта ХИФУ уонна «Синет» хампаанньа түһэрсибит сөбүлэһиитин чэрчитинэн олохтонно. Аҕыйах ый иһигэр куполлаах эбийиэк тутуутун түмүктээн эрэбит», – диэн ХИФУ айан суолун факультетын декана Дмитрий Филиппов кэпсээтэ.

Купол дьиэ турар сирин анныгар баар ууллубат мууска хайдах дьайыаҕа биллибэт. Ону үөрэтэргэ дьиэ таһыгар сиргэ, буор кырсын чинчийэр анал термодатчиктары туруордулар.

2013 сыллаахха маннык курдук куполлаах дьиэ Норвегия дойдутун хоту өттүгэр тутуллубута биллэр. Ол эрээри купол тутуутугар тимири уонна өстүөкүлэни туһаммыттар. Саха сиригэр куполы тимиртэн уонна өҥө суох курдары көстөр пластмасса оҥоһугуттан туталлар.

0
0
comments powered by HyperComments