28 Кулун тутар 28.03
  • -13°
  • $ 92,59
  • 100,27

Саха сиригэр коронавируһу тарҕатааччыларынан көҥүлэ суох таксиилар буолуохтарын сөп

Читайте нас на
Яндекс Новости
ЯДВ

Ил Дархан Айсен Николаев эппитинэн, Саха сирин улуустарыгар COVID-19 өрөспүүбүлүкэ киин куоратыттан көҥүлэ суох таксииларынан таһыллар. Ол туһунан кини брифинг кэмигэр иһитиннэрдэ.


«Оройуоттарга дьаҥҥа сыстыы Дьокуускайтан тиийбит оҕолоох аймахтарыттан тахсара бэлиэтэннэ. Бүтэһик түбэлтэ — икки ыал Кэбээйи оройуонугар.

Өссө ыарыыга сутуллуу көҥүлэ суох таксиилартан таҕыста. Холобура, Уус Алдан улууһугар түөрт киһи ыарыйда», — диэтэ баһылык.

Кини бэлиэтээбитинэн, бу хааччахтыыр уонна санитарнай миэрэлэри тутуспат буолууттан ыарыыга сыстыахха сөбүн этэр. «Киириигэ-тахсыыга туох баар миэрэни тутуһуу ирдэнэр», — диэтэ Айсен Николаев.

Эрдэ этиллибитинэн, ааспыт сууккаҕа өрөспүүбүлүкэҕэ эбии 75 киһи ыарыйда, онтон 61 — Дьокуускайга. 14 түбэлтэ — улуустарга, онтон аҥара Нерюнгри оройуонугар.

Следите за самым важным и интересным в Telegram-канале и WhatsApp-группе ЯСИА