Ааспыт сылга «Сахабулт» АУо 25 мөлүйүөн солкуобай суумалаах күндү түүлээҕи бэлэмнээбитэ. Мантан улахан аҥаара, ол эбэтэр алта аҥаар тыһыынчата киис.


Саҥа сылга оҥорон таһаарыыны элбэтэр сыалтан, өрөспүүбүлүкэ күндү түүлээҕин барытын биир сиргэ түмэн соҕотуопкалыыр киини тэрийии боппуруоһа тирээн кэлбитин туһунан СӨ тыа хаһаайыстыбатын министиэристибэтэ иһитиннэрэр.

Күндү түүлээх ырыынагар ким элбэх тириини атыылыыр, ол үрдүк сыананы олохтуур. Холобура эргиэмсиктэр биирдиилээн булчуттартан уонна булт хаһаайыстыбаларыттан атыыласпыт күндү түүлээхтэрин кыра баартыйаннан аукциоҥҥа таһаараллар. Бу муҥутуур сыанаҕа охсуулаах буолар.

«Сахабулт» АУо былаана уонна сыаналара:

Ахсаана Сыаната
Киис 10 1 000-12 000
Тииҥ 831 120
Андаатыр 5 000 100 — 230
Кырса 200 3200
Солоҥдо 250
Кырынаас 100
Бөрө 705 10 000

Күндү түүлээх төлөбүрүн сыаната халбаҥнааһына хаачыстыбатыттан тутулуктаах.

Эргиэмсиктэр үксүгэр күндү түүлээх төлөбүрүн аукцион кэннэ түһэрэллэр. Оччотугар  ырыынакка сыана намыһах буоллаҕына, атыылааччы суоттаммыт үбүттэн букатын кыра харчыны ылыан сөп. Өрөспүүбүлүкэҕэ кииннэммит соҕотуопкалыыр тэрилтэ аһылыннаҕына, күндү түүлээх төлөбүрүн утары биэрэр буолуохтара.

Маны таһынан бөрө тириитин туттарарга судаарыстыбаттан туспа үп көрүллэр. Быйылгы сылга 705 бөрө тириитин иһин уопсайа 13 мөлүйүөн 740 тыһыынча солкуобай төлөнүөҕэ. Ол эбэтэр биир бөрөҕө 10 тыһыынча. Манна олохтоох былаастар үбү эбэн биэриэхтээхтэр. Ким 10 тыһыынча, ким 15. Ардыгар уматыгынан уонна хапхаанынан кытта төлөһөллөр.

Сигэн:

0
0

Хоруй суох