Алтынньы 1 күнүгэр Гражданскай оборонаҕа Бүтүн Арассыыйатааҕы штаб тренировката саҕаланна. Үөрэх үс күн уонна үс түһүмэҕинэн ыытыллыаҕа, диэн иһитиннэрдэ СИА-ҕа Арассыыйа ЫБММ өрөспүүбүлүкэҕэ пресс-сулууспата.
Тэрээһиҥҥэ толоруулаах былаас, олохтоох салайыныы уорганнара уонна тэрилтэлэр кытталлар. Эрчиллии кэмигэр техногеннай быһыылаах ыксаллаах быһыы-майгы үөскүүр түгэнигэр гражданскай оборона тэрээһиннэрин хайдах толорууга эрчиллиэхтэрэ.
Эрчиллии бастакы күнүгэр салайар уонна тус састаабы иһитинэрии уонна түмүү киирэр. Маны сэргэ араас ыксаллаах түгэн үөскээтэҕинэ дьону таһаары, быыһааһын былаанын чочуйуохтара.
Иккис уонна үһүс түһүмэххэ ыксаллаах балаһыанньалар содулларын сэрэтиигэ уонна туоратыыга практическай тэрээһиннэри ыытыыга эрчиллиэхтэрэ.
Арассыыйа хас биирдии субъегар араас “ыксаллаах” балаһыанньаны туоратыы содулун сценарий быһыытынан туоратыыга холонуохтара.
Маннык киэҥ хабааннаах үөрэх сылын аайы ыытыллар.
