29 Кулун тутар 29.03
  • -11°
  • $ 92,26
  • 99,71

Саха сиригэр футбол тыыннаах: өрөспүүбүлүкэ хамаандата бастакы кыайыыны ситистэ

10:15, 11 июля 2016
Текст:
Читайте нас на
Яндекс Новости
ЯДВ

Саха сирин футболистара «Азия оҕолоро» Оонньууга футболга бастакы киирсиигэ уһук илиннэри кыайдылар. Бастыкы мээчиктэри Александр Большунов уонна Владислав Зыков киллэрдилэр. Матч «Юность» стадиоҥҥа от ыйын 10 күнүгэр буолла.


Бастакы таймҥа Саха сирин уонна Уһук Илиҥҥи уокурук хамаандалара кииристилэр. Хаһаайыттар төһө да атаакалара күүстээҕин иһин, анарааҥҥылар да туран биэрбэтилэр. Бастакы 40 мүнүүтэҕэ биир да гол оҥоһуллубута.

Матч иккис аҥарыгар, тренердэр сүбэлэрин кэнниттэн, оонньуу арыый сытыырхайда. Сахаларга туһанар ньымалара сатанан барда. Икки мүнүүтэ буолаат, Александр Большунов бастакы мээчиги утарылаһааччылар боруоталарыгар киллэрэр. Ахсаан 1:0 буолар.

Ыалдьыттар атаакалара күүһүрэр, ити эрээри үс мүнүүтэнэн өссө биир мээчиги Владислав Зыков боруоталарыгар аһарар. Хаһаайыттар утарсааччыларыттан очукуоларынан аталлар. Оонньуу биһи хамаандабыт туһатыгар буолар курдук даҕаны, уһук илиннэр кимиилэрэ өссө сытыырхайар. Сахалар хамаандаларыгар бэриллибит ыстырааптыыр мүнүүтэлэртэн халбархайдык быыһаналлар.

63-с мүнүүтэҕэ уһук илиннэр хамаандаларыттан Ренат Дубовик ыраахтан гол киллэрэр, ахсаан 2:1 буолар. Итинтэн тустаахтар үөрүүлэбэттэр, өссө биири киллэрэн, ахсааны тэҥнииргэ дьулуһаллар. Оонньуу түмүгэр гол киллэрэллэр эрээри, арбитр ону «оонньуу таһыгар» диэн, очукуонан аахпат. Онон Саха сирин хамаандата 2:1 ахсаанынан кыайыыны сурунар.

«Футболунан дьарыктаммытым 10 сыл буолла. Хамаандам боруотаны маныырга туруорбута. Бүгүн утарсааччыларбытын «0» кыайыахтаах этибит. Мээчик боруотаҕа киирбитигэр мин сыыһалаахпын. Кэлэр көрсүһүүбүт Кыргызтан хамаандата. Олус күүстээхтэр, сытыытык оонньууллар. Кыайарга дьулуһуохпут», — диэтэ Саха сирин хамаандатын вратара Даниил Шефлин.

Көрсүһүү бүгүн от ыйын 11 күнүгэр киэһэ 5 чааска «Юноска» буолуо. Бу иннинэ Кыргызтан дьоппуоннары кытта киирсибитэ. Онно 2:1 ахсаанынан хоппуттара.

Следите за самым важным и интересным в Telegram-канале и WhatsApp-группе ЯСИА
Тутаах тыллар