29 Кулун тутар 29.03
  • -11°
  • $ 92,26
  • 99,71

Саха сиригэр дьиэ-уот уонна тырааныспар эйгэтигэр үлэһиттэр наадалар

17:24, 15 апреля 2020
Текст:
Читайте нас на
Яндекс Новости
ЯДВ

Саха сирин Баһылыгын Стратегическай чинчийиилэргэ киинэ өрөспүүбүлүкэҕэ үлэ ырыынагын, дьарыктаах нэһилиэнньэ тутулун уонна үлэһиттэр ахсааннарын сүрүн көрдөрүүлэрин ырытта. Бу үлэҕэ орто уонна үрдүк үөрэхтээх каадырдары бэлэмнээһин, өрөспүүбүлүкэ экономиката үрдүк уонна орто идэлээх исписэлиистэргэ наадыйыытын билгэлээһин  боппуруостара көрүлүннүлэр.


Ырытыы көрдөрбүтүнэн, «Олорор дьиэ» регионнааҕы бырайыагынан сыллата 600 оробуочайы үөрэтэн таһаарыыны учуоттаатахха, итиэннэ бырайыагы олоххо киллэрии түмүктэниитигэр 500 исписэлииһи бэлэмниир былаан баарын үрдүнэн, салааҕа кадр тиийбэт тыҥааһыннаах балаһыанньата уларыйбат туруктаах (үлэһиккэ наадыйыы 15 тыһ. тахса киһиэхэ тэҥ).

2019-2024 сылларга «Саха Өрөспүүбүлүкэтин  уонна «Дьокуускай куорат» агломерация суолун ситимэ» регионнааҕы бырайыагы олоххо киллэрии чэрчитинэн былааннаммыт суол үлэлэрин кээмэйэ бу иннинээҕи 2015-2018 сс. толоруллубут үлэлэр кээмэйдэрин кытта тэҥнэнэрин учуоттаатахха, салааҕа суол-тутуу тэрилтэлэрэ уонна исписэлиистэр тиийбэттэригэр сытыы кыһалҕа суох.

Маныаха тырааныспар салаатыгар олохтоох суолу тутар тэрилтэлэр  атын регионнартан идэтийбит хампаанньалары кытта суоллары тутууга ыытыллар куонкурустарга күрэстэһиилэрэ тэҥэ суоҕун чааһыгар кыһалҕалар бэлиэтэнэллэр.

Бүгүҥҥү күҥҥэ суоллары тутуу үлэтин кээмэйин баһыйар өлүүтүн атын регионнартан тардыллыбыт тэрилтэлэр толороллор. Олохтоох суол тэрилтэлэрэ, сүнньүнэн эргитэр үптэрэ суоҕунан, регионнааҕы суоллары өрөмүөннээһиҥҥэ уонна көрүүгэ-истиигэ тардыллаллар.

Саха сиригэр 2027 сылга диэри орто уонна үрдүк үөрэхтээх каадырдарга наадыйыы

— Үрдүк үөрэхтээх исписэлиистэр – 28,8 тыһ.киһи (29%);

— Орто үөрэхтээҕэ – 71,3 тыһ.киһи  (71%).

2019-2027 сылларга тутуу эйгэтигэр каадырдарга наадыйыы

— Анал үрдүк үөрэхтээх тутуу исписэлиистэрэ – 2,6 тыһ. киһи;

— Орто анал үөрэхтээх уопсай тутуу үлэлэрин толорор маастардар – 16,7 тыһ.киһи

Источник: http://www.sakhaparliament.ru/sa/ekeniemike/yleleeh-byolyy/560-die-uot-uonna-tyraanyspar-ejgetiger-le-itter-naadalar

Следите за самым важным и интересным в Telegram-канале и WhatsApp-группе ЯСИА