Ааспыт сууккаҕа 47 киһи — Дьокуускайга, 17 — Нам улууһун Салбаҥ нэһилиэгэр, 5 — Ленскэйгэ, 4 — Нерюнгрига, иккилии — Өймөкөөн, Таатта улуустарыгар, биирдии — Мииринэй, Үөһээ Бүлүү, Мэҥэ Хаҥалас оройуоннарыгар. Ыалдьыбыттар балыыһаҕа киирдилэр, алтыспыт дьонноро быһаарыллар, СИА суһал штабка сигэнэн суруйар.
46 киһи үтүөрэн Дьокуускай балыыһаларыттан таҕыста, ол иһигэр 11 — ХИФУ устудьуона.
Дьокуускай балыыһатыгар 9 киһи ыарахан туруктаах сытар, ол иһигэр биир киһи ИВЛ аппараатыгар. 239 киһи ыарыыны сибикитэ суох аһарар, амбулаторно эмтэнэр.
Лабораторияларга 2508 тест оҥоһулунна, обсерватордарга 657 киһи сытар.
Ыам ыйын 22 күнүнээҕи туругунан барыта:
Коронавирустаата — 1077
Үтүөрдэ — 456
Суорума суолланна — 6
