Саха сиригэр ааспыт сууккаҕа 81 киһи эбии коронавирустаата, 12 киһи дьаҥтан үтүөрдэ, биир киһи суорума суолланна, СИА суһал штабка сигэнэн иһитиннэрэр.
56 — Дьокуускайга, 12 — Алдаҥҥа, 4 — Мииринэйгэ, үстүү — Нам уонна Мэҥэ Хаҥалас улуустарыгар, 2 — Ленскэй оройуонугар уонна 1 — Тааттаҕа. Ыалдьыбыттар балыыһаҕа киирдилэр, алтыспыт дьоно булуллар, анаалыс ылыллар, обсерватордарга киирэллэр.
12 киһи дьаҥтан толору эмтэнэн үтүөрдэ: 6 — Дьокуускайга, 3 — Алдаҥҥа, 2 — Горнайга уонна 1 — Хаҥалас улуустарыгар. Барыта 546 киһи пандемия саҕаланыаҕыттан үтүөрдэ.
Биир Covid-19 диагнозтаах ыарыһах Дьокуускайга олохтон туораата. 76 саастааҕа, дьарҕа ыарыылардааҕа, ол иһигэр сахарнай диабет.
10 киһи Дьокуускайга ыарахан туруктаах сытар. 313 киһи ыалдьыыны сибикитэ суох аһардар, амбулаторнай эмтэниини барар.
Лабораторияларга 2578 тест оҥоһулунна, обсерватордарга 670 киһи сытар.
Ыам ыйын 25 күнүнээҕи туругунан Саха сиригэр пандемия саҕаланыаҕыттан уопсайа:
Коронавирустаата — 1357
Үтүөрдэ — 546
Суорума суолланна — 7
