Саха сиригэр былырыыҥҥытааҕар тымныы кыһын буолуоҕа

Арассыыйа Гидрометкиинин научнай салайааччыта Роман Вильфранд Арассыыйаҕа хайдах кыһын буоларын кэпсээтэ. Кини бэйэтин сабаҕалааһыннарыгар сүрүн болҕомтону Саха сиригэр туһаайда.

Кини этэринэн, тохсунньуга Саха сирин үгүс өттүгэр былырыыҥҥытааҕар намыһах температура күүтүллэр. Олунньу ый эмиэ Саха сирин олохтоохторун үөрдэрэ саарбах – сабаҕалааһын быһыытынан, сыл иккис ыйа Саха сирин хотугулуу-илин өттүгэр 2018 сыллааҕар тымныы буолуоҕа. Атын регионнарга тохсунньу уонна олунньу ыйдарга ыйдааҕы орто температура таһымынан буолуоҕа.

“Ааһан эрэр ый тиһэх күнүгэр таһаарар сабаҕалааһыннарбыт ордук туолааччылар”, — диэн чопчулаата Роман Вильфанд.

Сабаҕалааһын быһыытынан быйыл кыһын Саха сиригэр сөҥүү түһүүтэ нуорматтан кыра. Ол оннугар Приморьеҕа уонна Хабаровскай кыраай соҕуруу өттүгэр хойуутук түһүөҕэ.

СИА.

Мария Васильева хаартыскаҕа түһэриитэ.

This post was published on 05.12.2018 18:01 18:01