Доруобуйа харыстабылын миниистирэ Елена Борисова иһитиннэрбитинэн, быйыл өссө 18 эбийиэк тутуллуохтаах: ФАП уонна амбулатория. Билигин алта туһааннаах дьиэ тутуута бүтэн эрэр, СИА-ҕа биэдэмистибэ пресс-сулууспата эттэ.


«Билигин алта модульнай конструкция тутуллар. Эдьигээн Баханайыгар, Үөһээ Бүлүү Тамалакааныгар, Томпо Охотскай-Перевоһугар, Усуйаана Дьүкээгиригэр, Ньурба Сайылыгар, Өлүөхүмэ Сиинэтигэр», — диэтэ миниистир Елена Борисова.

«Дьааҥы Баатаҕайыгар 30 куойка-миэстэлээх терапия уонна оҕо отделениялардаах симиэнэҕэ 180 киһи киирэр кыамталаах поликлиникалаах улахан эбийиэк тутуллар», — диэн эбэн эттэ кини.

Дьокуускайга онкодиспансер иккис уочарата тутуллар: 210 киһи симиэнэҕэ биирдэ киирэр поликлиникалаах, 180 куойка миэстэлээх стационардаах, хозблоктаах онкоклиническай киин.

Уһук Илин уокурук субъектарын экономическай сайдыыларын Киинин социальнай сайдыыларын бырагырааматынан, Дьокуускайга кардиология киинэ тутуллар. Иккис уочарата — 150 куойка-миэстэлээх кардиососудистай киин.

Санатар эбит буоллахха, 2019 сылга араас бырагыраамаларынан 10 эбийиэк тутуллубута: ФАП уонна амбулаториялар Аллайыаха Русское-Устье сэлиэнньэтигэр, Амма Сулҕаччытыгар, Алдан Якокит сэлиэнньэтигэр, Бүлүү Сосновкатыгар, Ленскэй Хамра уонна Иннээли сэлиэнньэлэригэр, Уус Алдан Арыылааҕар, Кэбээйи Тыайатыгар, Томпо Кэскилигэр, Мэҥэ Хаҥалас Даркылааҕар.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.