Айсен Николаев коронавируһу утары охсуһууга өрөспүүбүлүкэтээҕи суһал штаб мунньаҕын ыытта. Онно вакцинацияны саҕалааһын этилиннэ. Бастакы 200 доза Дьокуускай куоракка ахсынньы 11 күнүгэр кэлиэхтээх, СИА суруйар.
Ил Дархан Айсен Николаев коронавируһу утары охсуһууга ылыллыбыт миэрэлэргэ тохтоото, аналлаах ыйаах туолуутун хаамыытын билистэ, ол иһигэр вакцинацияны саҕалааһыҥҥа.
Вице-премьер Ольга Балабкина иһитиннэрбитинэн, бастакы 200 доза Дьокуускай куоракка ахсынньы 11 күнүгэр кэлиэхтээх. Бастаан «кыһыл» зонаҕа үлэлиир медицина үлэһиттэригэр тарҕаныаҕа.
ОРВИ уонна тумуу утары быһыы иккис түһүмэҕэр ааспыт нэдиэлэҕэ 21 тыһыынча киһиэхэ туруоруллубут. Баһылык бу күннэргэ барытын түмүктүүрү эттэ.
