Ыам ыйын 28 күнүнээҕи туругунан, өрөспүүбүлүкэҕэ биэс ойуур баһаара баара бэлиэтэнэр: Эдьигээн, Уус-Майа, Ньурба, Сунтаар улуустарыгар уонна Дьокуускай куоракка. Уопсай иэн — 364,20 гектар, СИА-ҕа экология министиэристибэтин пресс-сулууспата иһитиннэрдэ.
Сунтаар, Ньурба улуустарыгар уонна Дьокуускай куоракка баар баһаардар бохсулуннулар. Ааспыт сууккаларга алта ойуур баһаара умуруорулунна.
Баһаарга 94 киһи, ол иһигэр 24 парашютист уонна десантник-баһаарынай, 39 сиринэн сылдьар ойууру харыстааччы, 4 оройуоннардааҕы лесничество үлэһитэ, 27 олохтоох дьон, 16 техника үлэлээтэ.
Барыллаан быһаарыынан: Эдьигээн уонна Уус-Майа улуустарыгар — этиҥтэн, атыттарыгар — киһи буруйунан ойуур баһаардара таҕыстылар.