Бэҕэһээ киэһэ Саха сиригэр Канаадаттан көтөр аалынан ойуур бизоннара айаннаан кэллилэр. Санатар эбит буоллахха, регион уонна Канаада пааркатын Агентствота өрөспүүбүлүкэҕэ кыыллар төрдүс бөлөхтөрүн аҕаларга дуогабар түһэрсибитэ, диэн суруйар СИА.
Ойуур бизоннарын аҕалыы туһунан сөбүлэҥ 2019 сыл ахсынньы 2 күнүгэр баттаммыта. Бырабыыталыстыба бэрэссэдээтэлин солбуйааччыта Кирилл Бычков салайааччылаах бөлөх Канаадаҕа оробуочай сырыытын кэмигэр.
Бу аҕалыы төрдүс партия буолар.
2006, 2011 уонна 2013 сыллардаахха үстүү түһүмэҕинэн 90 бизон аҕалыллан, Саха сирин айылҕатыгар ыытыллыбыта.
Икки анал питомник «Уус Буотама» Хаҥалас улууһугар уонна «Тыымпынай» Горнай оройуонугар арыллыбыттара. Бэҕэһээ кэлбит бизоннары тута Уус Буотамаҕа атаардылар. Бастаан харантыыҥҥа туруохтара, онтон аһаҕас халлаан анныгар ыытыллыахтара.
