Саха сиригэр коронавирус тарҕаныаҕыттан 869 киһи ыалдьыбыт, 274 үтүөрбүт, биэс киһи суорума суолламмыт. Ааспыт сууккаҕа 41 киһи эбиллибит, 9 киһи үтүөрбүт, СИА суһал штабка сигэнэн суруйар.
33 — Дьокуускайга, 6 — Мииринэйгэ, 2 — Алдаҥҥа. Ыалдьыбыт дьон балыыһаҕа киирдилэр, контактара булуллар, анаалыс туттараллар.
Дьокуускайга 9 киһи үтүөрэн, балыыһаттан таҕыста.
Коронавирус Саха сиригэр тарҕаныаҕыттан 869 киһи ыарыйда.
Дьокуускайга биэс киһи ыарахан туруктаах балыыһаҕа сытар. 156 киһи киин куоракка ыарыыны сибикитэ суох аһарар, амбулаторнайдык эмтэнэр.
Лабораторияларга 2156 тест оҥоһулунна, обсерватордарга 622 киһи сытар.
Ыам ыйын 18 күнэ:
Коронавирустаата — 869
Үтүөрдэ — 274
Суорума суолланна — 5
