29 Кулун тутар 29.03
  • -15°
  • $ 92,26
  • 99,71

Саха сиригэр Арктиканы сайыннарыыга министиэристибэ тэриллиэҕэ

12:47, 17 декабря 2018
Текст:
Читайте нас на
Яндекс Новости
ЯДВ

Өрөспүүбүлүкэҕэ Арктиканы сайыннарыыга министиэристибэ тэриллиэҕэ. Бу туһунан Айсен Николаев Ил Түмэҥҥэ Анал этиитин кэмигэр иһитиннэрдэ.

Айсен Николаев бэлиэтээбитинэн, Уһук Хоту дойду олохтоохторун сүтэрэр – ааспыт аҕыс сыл устата нэһилиэнньэ 8 быр. аччаата. Табаһыттар үс гыммыт бииринэн, таба ахсаана 25 быр. кэриҥинэн аҕыйаата. Олохтоохтор хомунаалынай саахалы көрсөллөр, оттон хомунаалынай уонна социальнай эбийиэктэри тутууга ылыныллыбыт уураахтар олоххо киирбэттэр.

“Арктиканы сайыннарыы кэлимсэ сыһыаны ирдиир. Соруктар киэҥ хабааннаахтара саҥа таһымы уонна салайыы хаачыстыбатын ирдииллэр. Арктика оройуоннарыгар олорор дьон этэҥҥэ буолууларын уонна кыһалҕаларын учуоттаан, Арктиканы сайыннарыы министиэристибэтин тэрийэр туһунан быһаарыы ылынным”, — диэтэ Саха сирин баһылыга.

Арктиканы сайыннарыыга кылгас болдьоххо туспа бырагырааманы оҥороллоругар саҥа биэдэмистибэҕэ сорудахтыам диэтэ. Маны оҥорууга норуот дьокутааттара, оройуоннар баһылыктара уонна уопсастыбаннай тэрилтэлэр кытталларыгар Айсен Николаев ыҥырда.

Марина Василевская

Следите за самым важным и интересным в Telegram-канале и WhatsApp-группе ЯСИА