Быйыл 640 тулаайах оҕону олорор дьиэнэн хааччыйар сорук турар, итинтэн 107 хайы-үйэ дьиэ ылла. Бу сыалга анаан 1026,43 мөл солк. көрүлүннэ. Кыбартыыралары иккис ырыынактан уонна тутааччылартан ылаллар, диэн СИА-ҕа Саха сирин Тутууга министиэристибэтин пресс-сулууспатыттан иһитиннэрдилэр.

Миниистири  бастакы солбуйааччы Павел Аргунов видеоконференсибээс көмөтүнэн тулаайах оҕолору дьиэнэн хааччыйыыга анаммыт сүбэ мунньаҕы муниципальнай тэриллиилэри кытта ыытта ыытта.

Аргунов бырагыраама туолуутун уонна бүддьүөт үбүн хайдах туһаналларын чопчулаата. Билиҥҥи туругунан, 12 муниципальнай оройуоҥҥа муниципальнай хантыраактары түһэрсиигэ кыһалҕалар бааллар. Сорох оройуоннарга аукционнар ыытыллалларын туһунан биллэрбэтэхтэр, сорохторго олох да ыытыллыбатах

Тутуу министиэристибэтэ тулаайах оҕолору дьиэнэн хааччыйыыга кыһалҕалар үөскээбит Алдан, Ленскэй оройуоннар уонна Таатта улууһун бэрэстэбиитэллэрин иһиттэ. Алдан уонна Ленскэй оройуоннарыгар тутааччыны кытта хантыраагы көтүрэргэ күһэллибиттэр. Таатта оройуонугар муниципальнай тэриллии элбэх кыбартыыралаах үс дьиэни бэйэтин күүһүнэн ситэри тута сылдьар.

Мунньах түмүгүнэн Павел Аргунов муниципалитеттар тулаайахтары дьиэнэн хааччыйыы бырагырааматын толорор туһугар бары кыаллары оҥоруохтаахтар диэн соругу туруорда.

0
0
comments powered by HyperComments