Саха сиригэр 50+ саастаахтар саҥа идэ ылыахтарын уонна квалификацияларын үрдэтиэхтэрин сөп. Үөрэх бырагырааматыгар логопед, социальнай педагог, үөрэх менеджерэ, тьютор, эбии үөрэх педагога, дьыала-куолу докумуонун толорооччу, юриспруденция, судаарыстыбаннай уонна муниципальнай салайыы, атыы (закупка) эйгэтин исписэлииһэ, медицинскэй сиэстэрэ сертификационнай циклын ааһыы киирсэллэр, СИА-ҕа нэһилиэнньэ дьарыктаах буолуутун кэмитиэтэ иһитиннэрдэ.
Үөрэхтээһин «Аҕа көлүөнэ» федеральнайдааҕы бырайыакка олоҕуран ыытыллар. Үөрэммит дьон салгыы үлэлиэхтээхтэр. Билигин эһиилги сыллааҕы үлэ былаанын тэрээһин боппуруостара оҥоһуллаллар. Олорор сиргитинэн дьарыктаах буолуу кииннэригэр ыйыталаһыаххытын сөп.
2020 сылтан региоҥҥа бу бырагыраамаҕа кыттыыга саастаах көлүөнэни хабыы кэҥээбитэ. Өскөтүн урукку өттүгэр биэнсийэҕэ тахсыан иннинээҕи саастаах эрэ дьоҥҥо аналлаах эбит буоллаҕына, билигин эбии үөрэхтээһин 50 саастарыттан үөһэлэргэ эмиэ тэнийдэ.
«Демография» национальнай бырайыагынан төлөбүрэ суох үөрэххэ оннооҕор үлэлиир дьон үөрэниэхтэрин сөп. Үлэни биэрээччи сайабылыанньатынан үлэһит үөрэххэ ыытыллар. Биэнсийэҕэ тахсар саастара чугаһаабыттар уонна биэнсийэлээхтэр бэйэлэрэ олорор сирдэринэн дьарыктаах буолуу киинигэр тиийэн эмиэ үөрэнэллэрэ көҥүл. Маннык түгэҥҥэ кинилэр үлэ көрдөөччү курдук учуокка туруохтаахтар.
