Саха сиригэр 303 киһи клещка ытыттарбыт. Бу туһунан СИА Роспотребнадзор иһитиннэриитигэр сигэнэн суруйар.
Клещка ытыттарыы өрөспүүбүлүкэ 15 улууһугар итиэннэ Дьокуускайга бэлиэтэммит. Ленскэйгэ (109 түбэлтэ), Алдаҥҥа (65), Нерюнгрига (51), Өлүөхүмэҕэ (38), Хаҥаласка (9), Сунтаарга (8), Бүлүүгэ (4), Ньурбаҕа (3), Үөһээ Бүлүүгэ (2). Аммаҕа, Кэбээйигэ, Мэҥэ Хаҥаласка, Намҥа, Тааттаҕа, Чурапчыга – биирдии, Дьокуускайга – 8 киһи.
Клещка ытыттарбыттар наадалаах быһыыны ылбыттар. Сүһүрүү бэлиэтэммэтэх. Клещ энцефалитыттан быһыыны 2165 киһи ылбыт.
