Тыа хаһаайыстыбатын үөрэх кыһаларын бүтэрэн тахсыбыт эдэр специалистар тыа сиригэр баран үлэлииллэрин көҕүлүүр сыалтан СӨ бырабыыталыстыбата үс сыл устата ыйдааҕы эбии төлөбүрү көрбүтэ.


Төлөбүр «2012-2020 сс. Саха Өрөспүүбүлүкэтигэр тыа хаһаайыстыбатын уонна тыа бородууксуйатын оҥорон таһаарыыны сайыннарыы» судаарыстыбаннай бырагырааманан тыа сиригэр ТХПК, фермерскэй хаһаайыстыбаҕа үлэлиир эдэр специалистарга көрүллэр.

2020 сыл олунньу ыйыгар бу төлөбүр кээмэйин улаатыннарар уонна ирдэбиллэригэр уларытыы киллэрэр туһунан Ил Дархан Ыйааҕа тахсыбыта.

Ирдэбилгэ уларытыы туохха сыһыаннааҕый? ТХПК уонна бааһынай хаһаайыстыба тыа хаһаайыстыбатынан дьарыктанар субъектар биир реестэрдэригэр баар буолуохтаах. Эдэр специалист манна үлэтэ сүрүн үлэтинэн буолуохтаах.  Эдэр специалист «Инженерное дело, технологии и технические науки», «Сельское хозяйство и сельскохозяйственные науки», «Экономика и управление», «Юриспруденция» диэн үөрэҕи баһылаабыт буолуохтаах. Төлөбүр 9 тыһ. 15 тыһ. солк. диэри кээмэйдээх, кээмэйэ үлэһит ханнык үөрэҕи бүтэрбититтэн тутулуктаах.

Бүгүҥҥү туругунан ыйдааҕы төлөбүрү 24 улууска тыа хаһаайыстыбатын салаатыгар үлэлии сылдьар 331 эдэр специалист ылыаҕа.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.