Ааспыт сылга өрөспүүбүлүкэ хаарбах туруктаах дьиэлэрин 940 олохтооҕо саҥа кыбартыыралары ыллылар. Бу туһунан ТАСС иһитиннэрэр.
Россия Генеральнай борокуратууратын пресс-сулууспата Сибиир уонна Уһук Илин бырамыысыланнаһа олохтонорун саҕана тутуллубут эргэ, киһи олороругар сөбө суох дьиэлэртэн дьону көһөрүү хайысхатынан бэрэбиэркэ үлэтин ыыппытын туһунан ааҕыныстыбаҕа биллэрдэ.
«Борокуруордар уонна олохтоох бэйэни салайыныы уорганнара ылбыт миэрэлэрэ дьон олорор усулуобуйалара тупсарыгар төһүү буолла. Сорох арыллыбыт кэһиилэр холуобунай төрүөттээхтэрэ билиннэ», — диэн иһитиннэриигэ этиллибит.
Борокуратуура үлэтин түмүгүнэн 2019 сылга Уһук Илин 1000-тан тахса олохтооҕо саҥа дьиэ ылбыта бэлиэтэнэр.
