Өрөспүүбүлүкэтээҕи волонтердар корпустарын салайааччы Алена Кычкина Якутия24 телеханаалга «Көдьүүстээх интервью» биэриигэ кэпсээбитинэн, улуус аайы штаб үлэлиир. 2000 үтүө санаалаах дьон кырдьаҕастарга аадырыстаах көмөнү оҥорор диэн, СИА иһитиннэрэр.
Улуустарга волонтердар штабтара үлэлииллэр. Ыччат министиэристибэтэ, волонтердары кытта үлэ ресурснай киинэ уонна «Волонтеры-медики» хамсааһыннар көҕүлээһиннэринэн тэриллибитэ.
«Аҕа саастаахтарга үтүө санаалаах көмөлөһөөччүлэр улуус ааайы бааллар. Колл-кииннэргэ мустан, саастаах дьон кыһалҕатынан сайаапкалары хомуйаллар. Саҥаттан саҥа волонтер үтүө дьыалаҕа кыттыһар. Кинилэр хайаан да инструктаж ааһаллар. Маҕаһыыннарша, аптекаларга бэйэлэрэ сылдьаллар. Туох баар миэрэни барытын тутуһаллар. Нэһилиэнньэни буола турар балаһыанньаны иһитиннэриигэ үлэлээччилэр эмиэ бааллар», — диэтэ Кычкина.
