Саха сиригэр 16 педагог 2021 сылга «Земскэй учуутал» бырагырааманан тыа сиригэр үлэлиэҕэ. Бу туһунан үөрэх министиэристибэтэ СИА-ҕа «Якутия. 20 лет в 21 веке» анал бырайыакка кэпсээтэ. Биэдэмистибэ 122 сайаапканы исписэлиистэртэн туппут, кинилэр тыа сирин оскуолаларыгар үлэлии барыан баҕалаахтарын биллэрбиттэр.
«Земскэй учуутал» бырагыраама Саха сиригэр 2020 сылтан үлэлиир. Тосхол кыттааччыта тыа сиригэр биэстэн итэҕэһэ суох сыл үлэлиэхтээх. Ол оннугар судаарыстыбаттан 2 мөл солк ылар. Бастакы сылга 19 эдэр исписэлиис бырагыраамаҕа хабыллыбыт. 2024 сыл бүтүөр диэри бырагыраама тыа сирин оскуолаларын 72 эдэр учууталынан хааччыйыахтаах.
Ааспыт сылга өссө биир бырагыраама үлэлээтэ – «Арктика учуутала», хоту улуустарга үлэлии барааччыларга ананар. Бастакы сылыгар 92 учуутал бырагыраама кыттыылаҕа буолла. Өссө 107 учуутал, 3 — 5 сыл педыстаастаахтар, ортотунан 70 тыһ солк биһирэбил ылла.
Сиһилии манна ааҕыахха сөп
