Барыллаан таһаарыынан, Саха сиригэр 10:00 чаастааҕы туругунан Конституцияҕа көннөрүүлэри киллэриигэ куоластааһыҥҥа быыбардааччы ахсаанын 41% кытынна. Ол туһунан регионнааҕы ЦИК бэрэссэдээтэлин солбуйааччыта Александр Власов эттэ.
«Бу куһаҕана суох көрдөрүү, сыыппара сотору өссө уларыйыа. Дьон талар бырааптаах — «СӨП» эбэтэр «УТАРАБЫН». Ол иһин быыбардыыр учаастактарыгар тиийэн бэйэлэрин куоластарын Конституция көннөрүүлэрин киллэриигэ биэрэллэригэр ыҥырабын», — диэтэ Александр Власов.
Санатар эбит буоллахха, Саха сиригэр 820 быыбардыыр учаастак үлэлиир. Сарсыарда 8.00 — киэһэ 20.00 чааска диэри үлэлииллэр.
Учаастакка кэлэр кыаҕа суохтар киэһэ 17.00 чааска диэри дьиэлэригэр куоластата кэлэллэригэр сайаапка ыыталлар.
