Саха сирин хампаанньалара Япониятааҕы кэллиэгэлэрин кытары туризмҥа уонна IT эйгэтигэр бииргэ үлэлээһин туһунан кэпсэттилэр, суруйар edersaas.ru.


Куйаар ситиминэн ыытыллыбыт бастайааннай хамыыһыйа «Дальний Восток России – Хоккайдо, Япония» диэн 23-с пленарнай мунньаҕар, туризмҥа уонна IT-технологияларга салааларынан кэпсэттилэр. Саха сириттэн «Иствинд» уонна «Ранго» хампаанньалар кыттыыны ыллылар.

«Туризм» сиэссийэтигэр Уһук Илин уонна Япония туристическай ааҕыныстыбалара оҥорор өҥөлөрүн, эрэгийиэҥҥэ туризмы сайыннарыы кыаҕын дьүүллэстилэр. «Иствинд» ХЭУо стратегическай сайдыыга дириэктэрэ Петр Шишигин 2018 сыллаахха Япония устудьуоннара кимтэн да тутулуга суох бэйэлэринэн Тымныы полюһугар — Өймөкөөҥҥө тиийэ сатаабыттарын холобурдаан туран, экстремальнай туризмы туристарга куттала суох буоларын курдук, биисинэс уонна судаарыстыба өттүттэн сүрүннүүр наадатын бэлиэтээтэ. Петр Шишигин Саха сиригэр тупсаҕай, табыгастаах туризмы тэрийэргэ улахан кыах баарын, ол курдук, холобур, аан дойдуга  көхтөөх сынньалаҥы сөбүлээччилэргэ, глэмпиҥҥэ (айылҕаҕа сынньанарга туох баар табыгастаах, тупсаҕай усулуобуйаны тэрийии, кемпинг көрүҥэ) баарын эттэ. Ону сэргэ, Арассыыйа туроператордарын бэрэстэбиитэллэрэ уонна Япония муниципалитеттарын  туризмы сайыннарыыга отделлара быһаччы сибээһи олохтуулларыгар, ураты маршруттары толкуйдулларыгар уонна этиилэри киллэрэллэригэр санаатын үллэһиннэ.

«IT-индустрия» сиэссийэтигэр «Ранго» ХЭУо дириэктэрэ Петр Лукачевскай «Run with Zippy» сүүрүүгэ,  трекер үлэтин  сүрүннэрин уонна улахан, киэҥ ырыынакка IT-продукт тахсыытыгар былааннарын кэпсээтэ. Оҥорон таһаарааччылар «тамагочи» бириинсибинэн, саҥа технологияларга олоҕуран персонаһы кытары хардарыта сибээстээх үлэлиир сыһыарыы Японияҕа сэҥээриини ылыаҕар эрэнэллэрин биллэрдилэр.

Бастайааннай хамыыһыйа 1992 сыллаахха тэриллибитэ, Арассыыйа уонна Япония бииргэ үлэлээһиннэрин үтүө холобурунан буолар.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.