Владивостокка Илиҥҥи экономическай форумҥа Саха сирэ уонна Кемеровскай уобалас эргиэҥҥэ, экэниэмикэҕэ, наукаҕа уонна култуураҕа бииргэ үлэлээһиҥҥэ сөбүлэһии түһэристилэр.
Бу докумуоҥҥа өрөспүүбүлүкэ Ил Дарханын э.т. Айсен Николаев уонна Кемеровскай уобалас губернатора Сергей Цивилев илии баттаатылар.
“Кемеровскай уобалас уонна Саха сирин курдук регионнар бииргэ үлэлэһиэхтээхтэр. Биһиги таас чох салаатын сайыннарыыга сүҥкэн соруктаахпыт”, — диэтэ Айсен Николаев.
“Бииргэ алтыһар тиэмэбит элбэх. Култуура өттүгэр Саха сирин оҕолоро биһиэхэ кэлэн бардылар, оттон Кузбасс оҕолоро эһиги өрөспүүбүлүкэҕитигэр сылдьыбыттара”, — диэн Цивилев бэлиэтээтэ.
