Арассыыйа бэрэсидьиэнэ Владимир Путин Уһук Илиҥҥи экономическай форумҥа Уһук Илини сайыннарыыга национальнай бырагыраама торумнаныа диэтэ. Маныаха Саха сирэ туох оруоллааҕын туһунан өрөспүүбүлүкэ бырабыыталыстыбатын бэрэссэдээтэлин э.т. Владимир Солодов кэпсээтэ.

Владимир Солодов эппитинэн, Саха сирэ Уһук Илиҥҥэ регионнааҕы баалабай бородуукта кээмэйинэн, федеральнай бүддьүөккэ нолуогу киллэриинэн, ону тэҥэ нэһилиэнньэ олохсуйуутунан Уһук Илиҥҥэ бастакы регионунан буолар.

“Хайдаҕын да иһин, Саха сирэ – Уһук Илин ФУо тутаах субъега.  Ахсааммытынан, экэниэмикэҕэ киллэрэр кылааппытынан үс бастакы иһигэр киирэбит. Ону сэргэ кыһалҕалаах да боппуруостар бааллар. Тырааныспар, үөрэхтээһин, доруобуйа харыстабылын эйгэлэригэр кыһалҕалары уруккулуу ньыманан быһаарар кыахпыт суох, ол иһин саҥа ньыманы толкуйдуубут. Онон бу статуспутун национальнай бырагыраамаҕа бигэргэтэр баҕалаахпыт”, — диэтэ Солодов.

0
0
comments powered by HyperComments