29 Кулун тутар 29.03
  • -13°
  • $ 92,26
  • 99,71

Саха сирэ отону уонна дьиикэй үүнээйини экспортка таһаарар кыахтааҕа этилиннэ

Читайте нас на
Яндекс Новости
ЯДВ

Инвестицияҕа уонна экспорды өйөөһүҥҥэ Уһук Илиҥҥи агентство аан дойдутааҕы ырыынакка Саха сирин отоно, дьиикэй үүнээйитэ тахсыан сөбүн бэлиэтээтэ, суруйар ТАСС.


Маннык быһаарыы дьиикэй отону тута тоҥоруунан дьарыктанар тэрилтэлэри тэрийиигэ олук буолуон сөп диэн суруналыыстарга агентство генеральнай дириэктэрэ  Леонид Петухов эттэ.

«Бу улахан бизнес, сөпкө тэрийдэххэ. Барыта отону поставкалааһынтан саҕаланар, онтон тоҥоруллубут отону туттарыы, холодильник туруоруллар. Онтон инвестор отонтон тугу оҥорон таһаарар туһунан толкуйдуур, холобур джеми, аска эбии кутуллар ингридиены оҥорор собуот тутуутун туһунан. Ол аата бу барыта бэйэтэ бэйэтиттэн ситэрсэн биэрэр, саҥардылла турар, баар кыаҕы сөпкө оҥорон таһаарыы дэнэр. Маннык бырайыактар элбэх буолуохтаахтар«, — диэтэ Петухов.

Кини бэлиэтээбитинэн, Мурманскай уобалас уонна Карелия холобурдара бизнес ситиһиилээх буоларын көрдөрдүлэр. Агентство салайааччыта эппитинэн, дьиикэй отону экспортка таһаарыы инникитин отонтон бородууксуйаны толору оҥорон таһаарыыга аҕалыан сөп.

Следите за самым важным и интересным в Telegram-канале и WhatsApp-группе ЯСИА