2018 сылга өрөспүүбүлүкэ култуура эйгэтигэр 70 мөл солкуобайтан тахса кээмэйдээх федеральнай субсидияны кэтэһэр, диэн Саха сирин култуураҕа уонна духуобунай сайдыыга министиэристибэтин пресс-сулууспата СИА-ҕа иһитиннэрдэ.
“Быйыл регион 70 мөл солкуобайтан тахса кээмэйдээх федеральнай субсидияны кэтэһэр. Арассыыйа Култуураҕа министиэристибэтин өттүттэн үбүнэн өйөбүл күүһүрэрэ күүтүллэр, ити судаарыстыба култуура бэлиитикэтигэр регионнарга үлэни ыытарын кытта сибээстээх”, — диэтэ Тихонов.
“Култуура” Национальнай бырайыагы олоххо киллэрии саҕаланара күүтүллэр. Өрөспүүбүлүкэ “Култуура эйгэтэ” федеральнай бырайыагынан тыа сирин култууратын дьиэлэрин тутар, саҥардан оҥорор уонна хапытаалынай өрөмүөнү ыытар, оҕо искусствотын оскуолаларын муусука тэрилинэн хааччыйар, куукула тыйаатырдарын саҥардан оҥорор баҕалаах.
This post was published on 17.09.2018 15:44 15:44