«Матч-ТВ» Саха сирин боксера Василий Егоров туһунан документальнай киинэ устан көрдөрдө. Спорт үтүөлээх маастара бастакы эрчиллиилэрин, дьиэ кэргэнин, бокса уонна Сахатын сирин туһунан кэпсээтэ, диэн иһитиннэрэр СИА.
««Бокс-2019. Обратный отсчет» — «Матч-ТВ» эдэр кэскиллээх боксердар — 2019 сыллааҕы аан дойдутааҕы чемпионат кыттыылаахтарын туһунан кэпсиир бырайыага буолар. Кинилэр туох-ханнык сыалы туруоруналларый, кыайыыны хайдах ситиһэллэрий, хотторууларын хайдах аһарыналларый, киэн туттар дьоно кимнээҕий? Таһаарыы геройа — Европа икки төгүллээх чемпиона уонна 2015 сыллааҕы аан дойдутааҕы чемпионат үрүҥ көмүс призера Василий Егоров. Устууга спортсмен дьиэ кэргэнэ уонна тренерэ Александр Петров кыттыыны ыллылар», — диэн суруйар «Матч-ТВ».
Киинэ устуута Василий төрөөбүт дойдутугар Мэҥэ Хаҥаласка, Дьокуускайга, ону сэргэ Россия боксаҕа сүүмэрдэммит хамаандата эрчиллиини ааспыт сиригэр Златоуска ыытылыннылар. Боксер киинэҕэ Петровка сэлиэнньэтигэр боксаҕа бастакы хардыыларын, дьиэ кэргэнин, оҕо сааһын, сыалын-соругун, олимпийскай ыра санаатын кэпсээтэ.
