Саха сиригэр чэй иһиитин култуурата сайдыытыгар РФ Президенин граннарын Фондата 670 тыһ.солк. харчы биэриэҕэ. Үбүлээһини Саха сирин ыалдьыты көрсүү Ассоциацията ылла.
Өрөспүүбүлүкэҕэ «Олоҥхо дьиэлэрин» баазаларыгар чэй иһиитин сиэрэ-туома ыытыллыаҕа. Саха чэйин иһии мунньахтар, төгүрүк остуоллар уонна бырааһынньыктар бырагыраамаларыгар киллэриллиэҕэ.
«Биһиги чэйи уопсастыба чөл буолуутугар инструмент, итирдэр утахтарга альтернатива курдук көрөбүт. Биһиги сыалбыт — уопсастыбаннай миэстэлэргэ саха чэйин иһии култууратын тэрийии, доруобай сынньалаҥ муодатын олоххо киллэрии», — дэитэ тустаах Ассоциация бэрэссэдээтэлэ Татьяна Тымырова.
Бырайыак бастакы этааба кэлэр сыл тохсунньу 31 күнүгэр дылы ыытыллыаҕа.