“Илиҥҥи экономическай форумҥа 28 бырайыагынан кыттыахпыт. Бу бырайыактар уопсай суумалара 15 млрд солк. тэҥнэһэр. Мантан саамай улахан бырайыактарынан Өлүөнэ өрүһү туоруур муоста, урутаан сайдар сирдэри кэҥэтэн биэрии буолар. Куорат таһыгар Кангаласка экологическай бөһүөлэк, ону сэргэ ювелирнай, алмааһы кырыылыыр кластер бырайыагын илдьэ көмүскүөхпүт. “Арктика” диэн ааттаан Саха сирин хотугулуу-илин баар сирин баайын туһаҕа таһаарыыга урутаан сайдар сир бырайыага баар. Бу бырайыагы урутаан сайдар сир оҥорорго Уһук Илин эрэгийиэннэрин сайдыытын министиэристибэтигэр сайаапка түһэрэн турабыт”, — диэн бэлиэтиир СӨ экнэмиэкитин миниистирэ Майя Данилова.
Маны таһынан биһиги өрөспүүбүлүкэбит гостиницалары тутууга, социальнай эйгэҕэ, үүнээйини, отону үргээн туһаҕа таһаарыыга, сэлии муоһун атыылыыр былаһаакканы тэрийиигэ инвестордары көрдүөҕэ.
Аграфена КУЗЬМИНА, “Саха сирэ” хаһыат.