«Саха Өрөспүүбүлүкэтин Ил Дарханын боломуочуйаларын болдьоҕун иннинэ ууратар туһунан» 2018 сыл ыам ыйын 28 күнүнээҕи 264 №-дээх Россия Федерациятын Президенин Ыйааҕар олоҕуран, «Россия Федерациятын гражданнарын быыбардыыр бырааптарын уонна референдумҥа кыттар бырааптарын сүрүн мэктиэлэрин туһунан» 2002 сыл бэс ыйын 12 күнүнээҕи ФС-67 №-дээх Федеральнай сокуон 10 ыстатыйатын 4 пуунугар, Саха Өрөспүүбүлүкэтин Төрүт сокуонун 56 ыстатыйатын 19 пуунугар, «Саха Өрөспүүбүлүкэтин Ил Дарханын быыбарын туһунан» 2012 сыл бэс ыйын 28 күнүнээҕи 1084-С 1075-IV №-дээх Саха Өрөспүүбүлүкэтин Сокуонун 5 ыстатыйатын 4 чааһыгар сөп түбэһиннэрэн Саха Өрөспүүбүлүкэтин Ил Түмэнэ у у р а р:
- Саха Өрөспүүбүлүкэтин Ил Дарханын быыбарын болдьоҕун иннинэ 2018 сыл балаҕан ыйын 9 күнүгэр аныырга.
- Уурааҕы «Якутия», «Саха сирэ» уонна «Ил Түмэн» өрөспүүбүлүкэ хаһыаттарыгар бэчээттииргэ.
- Уураах ылыныллыаҕыттан ыла күүһүгэр киирэр.
Саха Өрөспүүбүлүкэтин
Ил Түмэнин Бэрэссэдээтэлэ А.ЖИРКОВ
Дьокуускай к., 2018 сыл бэс ыйын 8 күнэ
ИТ 1365-V №-дээх