Саха” национальнай көрдөрөр-иһитиннэрэр хампаанньа профсоюзнай кэмитиэтэ сыл аайы балаҕан ыйын 1 күнүгэр үлэһиттэр маҥнайгы кылааска киирэр оҕолоругар бырааһынньык тэрийэр.

Биһиги хампаанньабытыгар үгэс быһыытынан үлэһиттэрбит оҕолоро маҥнайгы кылааска киирэллэрин чиэстиибит. Сыл аайы балаҕан ыйын 1 күнүгэр “Саха” НКИХ профкомун чилиэннэрэ оҕолорго бырааһынньык тэрийэллэр. Быйыл 32 үлэһиппит оҕолорун маҥнайгы кылааска киллэриэхтэрэ”, – диэн хампаанньа профкомун бэрэссэдээтэлэ Татьяна Бурцева кэпсээтэ.

 

Бу күн оҕолорго уонна төрөппүттэргэ анаан сэргэх оонньуулар, күрэхтэһиилэр ыытыллаллар.

Сыл аайы маҥнайгы кылааска барар оҕолор элбээн иһэллэр. Ол аата кэлэктиип эдэр, чаҕылхай, эрчимнээх исписэлиистэр үксүүллэр. Оҕолор үөрүүнү кытта оонньууларга кытталлар, онтон биһиги олус үөрэбит. Маҥнайгы кылааска киирэр оҕолорбутугар үөрэхтэригэр ситиһиини баҕарыаҕыҥ”, – диэтэ Татьяна Бурцева. 

0
0
comments powered by HyperComments