29 Кулун тутар 29.03
  • -11°
  • $ 92,26
  • 99,71

«Саха» НКИХ онлайн киэбинэн оскуоланы түмүктүүр бырааһынньыктары тэрийиэ

Читайте нас на
Яндекс Новости
ЯДВ

«Саха» национальнай көрдөрөр-иһитиннэрэр ханаал 11-с кылааһы бүтэрээччилэргэ анаан тиһэх чуораан уонна оскуоланы бүтэрэр баалларын онлайн киэбинэн ыытыаҕа, СИА суруйар.


Быйылгы оскуоланы бүтэрээччилэр, эпидемиологическай балаһыанньанан, өрөгөйдөөх тэрээһиннэри ыыталлара кыаллыбат буолла. Онон «Саха» НКИХ Саха сирин 11-с кылааһын бүтэрээччилэригэр анаан онлайн-бырааһынньык тэрийэр.

«Хас биирдии кылаас бэйэтин кылааһын олоҕун, былаанын, оскуолатааҕы умнуллубат түгэннэрин, доҕотторугар баҕа санааларын видеоҕа устан ыытар. Эҕэрдэлэр бары анал инстаграм-сирэйгэ угуллуохтара, онон хас биирдии баҕалаах киһи видеоальбому көрүөн сөп. Ыам ыйын 31 күнүгэр видеороликтар уонна эҕэрдэлэр «Саха» НКИХ көстүөхтэрэ. Биһиги хас биирдии выпускникка үөрэхтэрин дьылын ситиһиилээхтик бүтэрэллэригэр баҕарабыт, сыалы толорууга кимиилээх киирсиилэри, уонна, биллэн турар, доруобай буолуҥ«, — СИА-ҕа «Саха» НКИХ интернет-таһаарыытын сулууспатын начальнига Виктория Сунтхавонг эттэ.

Видеоларгытын vipusk_ykt2020@mail.ru почтаҕа ыытаргытын күүтэллэр. Оскуолаҕытын, кылааскытын, кылааскыт салайааччытын төлөпүөнүн суруйаргытын умнумаҥ. Матырыйааллары ыам ыйын 27 күнүгэр диэри хомуйаллар.

Роликтарга ирдэбиллэр:

Хронометраж — 3 мүнүүтэҕэ диэри;
Сөп түбэһиитэ — 16:9 (сытыары видео!);
Видео хаачыстыбата — FULL HD — 1920×1080;
Битрейт — максимальнай (10 Мбит/с уонна онтон үөһэ);
Сырдыга — күн сырдык кэмигэр устаргытыгар;
Титрга — оскуола аата, кылааһа.

Следите за самым важным и интересным в Telegram-канале и WhatsApp-группе ЯСИА