НВК САХА – «Саха» национальнай көрдөрөр-иһитиннэрэр хампаанньа 2019 – 2020 сыллааҕы тэлэбиидьэнньэ саҥа сезонун чэрчитинэн филиалларыгар биэриилэр быыстарыгар көстөр видеороликтары устарга күрэс биллэрдэ.
Бу күрэс филиаллар үлэһиттэрин көрдөрөр-иһитиннэрэр эйгэҕэ үлэлиир, айар-тутар, иһитиннэриини сатаан көрдүүр уонна ону туһанар кыахтарын сайыннарар, үлэһит идэтин таһымын үрдэтэр сыаллаах ыытыллар. Ону таһынан куонкурус өрөспүүбүлүкэтээҕи эфири хаачыстыбалаах, ис хоһоонноох кылгас видеоларынан хааччыйары ситиһиэхтээх.
Күрэс 2019 сыл балаҕан ыйын 1 күнүттэн 2020 сыл бэс ыйын 30 күнүгэр диэри ыытыллар. Ый аайы түмүгү таһааран иһиэхтэрэ.
Источник: http://nvk-online.ru
