«Саха» НКИХ документальнай бырайыактарын эрэдээксийэтэ динозаврдар тустарынан киинэ устар

Саха” национальнай көрдөрөр-иһитиннэрэр хампаанньа “Кэм кэрэһитэ” (“Хранители времени”) биэриитин суруналыыстара Саха сирин динозаврдарын туһунан документальнай киинэни бэлэмнииллэр.

Саха сиригэр динозаврдар бааллар!” (“Динозавры в Якутии есть!”) диэн Россиятааҕы таһымнаах киинэни Петербург продюсера Мила Кудряшованы кытта оҥоро сылдьаллар. “Саха” НКИХ устар бөлөҕө бу сайын палеонтологтары Сунтаар улууһугар арыаллаабыта, онно сылдьан былыргы үйэҕэ олорон ааспыт кыыллар кырамталарын булбуттара. Атырдьах ыйын 1 күнүгэр Дьокуускайга үгүс булумньуларын презентациятын тэрийбиттэрэ, эрэдээксийэ киинэ устарыгар матырыйаалларын хомуйбута, интервьюлары ылбыта.

Ону таһынан бу сайын Польша уонна Россия документалистарын кытта “Мициха сөмөлүөттэртэн куттаммат” (“Мициха не боится самолетов”) диэн киинэни устубуттара. Киинэ премьерата аны биир сылынан буолуоҕа, ол эрээри уһуллубут түгэннэртэн быһа тардыылар номнуо балаҕан ыйыгар күөх экраҥҥа тахсыахтара.

Дьаамсыктар удьуордарын туһунан киинэлэри эмиэ салгыы усталлар. Ааспыт сылга аҕыс сиэрийэттэн биирдэстэрэ “Смиротворец” диэн бүтүн Россиятааҕы бэстибээл интэриниэт куоластааһыныгар кыайбыта.

Манан үчүгэйдик дьарыктаннахха, кэрэхсэбиллээх туристическай айан буолуо этэ. Хас биирдии ыстаансыйаҕа быыстапкалар, түмэллэр туруо этилэр. Мин санаабар, Россия эрэ буолбакка, тас дойду туристара бу суолунан үөрүүнү кытта айанныахтара этэ”, – диэтэ “Саха” НКИХ документальнай бырайыактарын эрэдээксийэтин салайааччыта Дарья Еромолаева.

 

Ону таһынан  Нам улууһугар сири оҥоруу түмэлин туһунан бырайыагы бэлэмнии сылдьаллар.

 

Кэм кэрэһитэ” биэрии 2016 сылтан көстөн саҕаламмыта, онтон ыла өрөспүүбүлүкэтээҕи да, бүтүн Россиятааҕы да үгүс наҕараадалары ылла. Биэрии эрэдээксийэтэ урукку уонна билиҥҥи кэми, историческай түгэннэри, интэриэһинэй дьону, түмэл экспонаттарын устар. Эфир субуотаҕа уонна баскыһыанньаҕа 12 чааска тахсар, хатылааһына оптуорунньукка уонна чэппиэргэ 18.30 чааска көстөр.

This post was published on 28.08.2019 10:37 10:37